Sen Camille Villar, emosyunal nga nanawagan sa ubang senador nga respetuhon ang usa’g usa

BUTUAN CITY – Emosyonal nga gidepensahan ni Senator-judge Camille Villar samtang nanawagan sa iyang mga ka-ubanan nga ihunong na ang pag-atake sa mga senador nga wala makatambong sa impeachment trial ni Vice President Sara Duterte.

Sa iyang manifestation, gibutyag ni Villar nga dili kaugalingong desisyon sa mga detinadong senador ang ilang wala pagtambong sa proceedings.

Gipamugos usab niya nga dili angayang tawgong  plunder kawatan ang mga senador nga wala sa trial tungod kay wala pa sila’y conviction sa mga kasong ilang gi-atubang.

Gidugang pa ni Senador Camille nga isip pinakabatan-ong membro sa Senado, nanawagan si Villar sa iyang mga ka-ubanang senador nga ipatigbabaw ang respeto sa usa’g usa.