BUTUAN CITY – Hingpit nang naayo angu pat ka nurse nga nataptan sa Ebola virus ug na-discharge na gikan sa ospital sa Bunia, sa Democratic Republic of the Congo, sumala sa World Health Organization.
Kauban nila ang usa ka laboratory worker nga una nang naayo rasong lima na ka tawo ang katibuk-ang nakarekober gikan sa sakit. Sigon sa WHO nga posible pa nga modaghan ang makarekober, labi na kung sayo ma-diagnose ug matambalan gelayon.
Bisan pa man niini, nagpadayon gihapon ang pagtaas sa kaso sa nasud, nga miabot na sa 282 ka confirmed infections ug 42 ka namatay, human madugangan og 19 ka bag-ong kaso.
Gideklara sa World Health Organization ang outbreak isip public health emergency of international concern apan giklaro nga dili pa kini usa ka pandemya.
Sumala ni WHO Director-General Tedros Adhanom Ghebreyesus, bisan walay aprubado nga bakuna o tambal para sa Bundibugyo strain sa Ebola, adunay gihapon paglaum basta mahatagan og husto ug paspas nga medical care.
Nagpasidaan usab ang mga health officials nga posible pa kini mokaylap sa rehiyon, samtang kapin sa 1,100 ka suspected cases ang giimbestigahan.
Adunay mga report usab sa posibleng suspected cases sa Brazil ug Italy, apan ang uban niini positibo diay sa laing sakit sama sa meningitis ug malaria, ug padayon pa ang imbestigasyon kung adunay koneksyon sa Ebola outbreak.
Sumala sa mga eksperto, kini usa sa pinakadakong Ebola outbreaks sa Congo sa miaging mga dekada, ug padayon ang international response aron mapugngan ang pagkalat sa sakit.
