BUTUAN CITY – Epektibo karung mga taknaa ang bag-ong pagsaka sa presyo sa produktong lana sumala sa Department of Energy kon DOE.
Base sa abiso sa ahensiya, mamahimong magpatuman ang mga kumpanya sa lana sa pag-usbaw sa presyo sa produktong petrolyo.
Sa gasolina posibleng mosaka og 25 sentabos kada litro, sa Diesel posibleng mosaka og P3.30 kada litro samtang sa Kerosene P1.75 kada litro.
Kini na ang ikaduhang sunod nga pagtaas-presyo sa gasolina ug diesel, og padayon nga nagpakita og upward trend sa presyo sa petrolyo sa nasud sa tibook tuig.
Dungan niini, gipahayag ni Energy Secretary Sharon Garin ang sugyot nga amyenda sa Oil Deregulation Law.
Lakip niini ang plano nga magtukod og government fuel reserve nga igo sa 60 ka adlaw nga supply og lugway sa inventory requirement sa mga oil company gikan sa 15 ka adlaw hangtud 30 ka adlaw.
