BUTUAN CITY – Sugdan na karong Lunes, Hunyo 29, sa Butuan Central Elementary School ang paggamit og hand-held metal detector aron masusi og sakto ang bag sa mga manulod sa maong tunghaan.
Kini isip paningkamot sa maong tunghaan uban sa School’s Parents Teachers Association nga masigurong luwas ang tanang mga estudyante, magtutudlo ug mga trabahante samtang anaa sa bisinidad ug malikayan ang ngilngig nga mga panghitabo sama sa natigayon sa San Jose National High School sa Tacloban City.
Sa eksklusibong pakighinabi sa Bombo Radyo Butuan, gipadayag ni Glenn Bequibel, ang elected Vice Chairman sa School Governance Council sa maong tunghaan, dili na angayang kumpyansahan karon ang panahon rason nga kinahanglan ang mas istriktong pagpatuman sa security measures.
Ang hagit lang nila karon mao ang kawala’y mapalit nga metal detector dinhi sa siyudad tungod kay available lamang kini karon sa online.
Gawas niini, nakig-alayon na usab ang PTA ngadto sa school administrator aron ma-isyuhan og ID ang mga ginikanan nga magamit nila aron sila mapasulod kung musundo sa ilang kabataan.
Kinahanglan matud pang dili na maghulat ang Department of Education nga duna’y susamang panghitabo sa Leyte ang matigayon adiser pa mulihok tungod kay nakataya dinhi ang kinabuhi sa mga bata, mga magtutudlo ug mga staff.
