BUTUAN CITY – Biyaheng China karung adlawa, Miyerkules, Mayo 13, 2026, si US President Donald Trump aron motambong sa gi-atangang superpower summit.
Kini ang unang higayon sulod sa halos usa ka dekada nga mobisita ang usa ka Pangulo sa Amerika sa nasangpit nga nasud, human mauktaba ang iyang pagbiyahe niini tungod sa nahitabong giyera sa Iran.
Gilauman ni Trump ang usa ka hataas nga pakigdiyalogo sa iyang counterpart nga si Chinese President Xi Jinping.
Nag-unang hisgutan sa pulong ang krisis sa Iran, nga kasamtangang nakadepende sa China isip nag-unang customer sa ilang lana bisan oman sa mga gipahamtang nga sanction sa Amerika.
Sumala sa taho, lakip usab sa agenda nila Trump ug Xi ang nakatakdang pagbaligya og armas sa Amerika sa Taiwan, ang mga hisgutanan mahitungod sa “self-governing democracy” claim sa China ug ang kontrol sa China sa rare earth exports ug ang tensyon tali sa trade relationships sa duha ka nasud.
Kauban sa Pangulo sa iyang delegasyon ang usa ka dakong grupo sa mga top US business executives, lakip na ang mga sikat nga tycoons nga sila Elon Musk ug Tim Cook, base sa impormasyon gikan sa White House.
