BUTUAN CITY- Gisaway ni Senador Imee Marcos ang mga proyekto sa irigasyon sa National Irrigation Administration kon NIA kansa giingong wala naglihok sulod sa daghang katuigan taliwala sa mga deliberasyon sa Kongreso bahin sa gisugyot nga badyet sa ahensya alang sa tuig 2027.
Kini adunay kalambigitan sa Commission on Audit (COA) report kalabot sa mga wala napuslang patubig nga mingsakop sa kapin 46 ka ektarya sa nasud. Tungod niini, gipangitaan ni Marcos ang ahensya og klaro ug at time-bound rehabilitation plan alang sa mga nagubang pasilidad.
Depensa usab ni NIA Administrator Eduardo Guillen, nga naguba matud pa sa mga kataladman ang maong mga proyekto. Dugang pa niini, nga usa sa mga hinungdan sa pagkalangay sa pag-ayo niini mao ang kakuwang sa Quick Response Fund (QRF) sa ahensya.
Gipalagan usab ni Marcos ang rason ni Guillen kalabot sa kawalay QRF. Sumala sa senadora, adunay pundo alang sa pagmintinar ug pag-ayo sa mga proyekto gikan sa Maintenance and Other Operating Expenses (MOOE) sa ahensya.
Tubag sa pamunuan sa NIA, kasamtangang gipadayon ang repair sa mga proyekto aron magabit pag-usab sa mga mag-uuma sa nagkanda-iyang rehiyon.
Kalabot niini, pormal nga gipasumite ni Marcos ang NIA ug ang COA sa full repot ug opisyal nga dokumento kalabot sa estado sa mga nasangpit nga irrigation system.
Gawas sa mga nagubang proyekto, gibatikos usab sa senador ang daw non-compliance o wala pagsunod sa pipila ka regional offices sa NIA sa Procurement Law butang nga kanhi matud pang problema sa ahensya nga gihulagway niini posibleng moresulta sa bag-ong klasr sa scam sama sa mga flood control project.
