BUTUAN CITY – Gipa-ilalom na sa red alert status ang syudad sa Butuan pinaagi sa City Disaster Risk Reduction and Management Council kon CDRRMC Memo No. 008, aron masiguro nga andam ang tanan sa paghapak ni Bagyong Basyang.
Ang Red Alert Status nagpasabot nga fully activated na ang tanang response cluster, CDRRMC Council, Incident Management Team, Infrastructure Team, ug mga personnel sa City Disaster Risk Reduction and Management Department (CDRRMD) diha sa Emergency Operations Center (EOC) alang sa mas paspas, koordinado, ug epektibong pagresponde sa bisan unsang emerhensiya nga posibleng resulta sa bagyo.
Gimanduan usab ang Barangay Disaster Risk Reduction and Management Committees (BDRRMCs) nga kinahanglan physically present sila sa ilang barangay alang sa dali nga pagresponde sa ilang lugar, ilabina niadtong dali mabahaan, doul sa Agusan River, baybayon, ug landslide prone areas.
Gihangyo usab nila ang publiko nga mokooperar sa mga otoridad, sundon ang mga pahimangno ug advisories, ug magpabilin nga andam ug updated sa mga impormasyon kalabot sa Tropical Depression Basyang.
