BUTUAN CITY – Karong adlawa na ang final traffic management simulation sa City Transportation and Traffic Management Department kon CTTMD-Butuan kauban ang Department of Public Works and Highways kon DPWH-Caraga ug mga contractors.
Kabahin kini sa pagpangandam sa traffic scheme nga gamiton panahon sa padayon nga rehabilitation sa tulay. Gisulayan dinhi ang traffic flow, pagdumala sa mga sakyanan, ug pagpwesto sa traffic enforcers.
Magpadayon ang simulation hangtud unyang alas 9:00 karong gabii kondiin atol sa simulation, tugotan nga makaagi sa maong tulay ang mga public utility jeepneys, UV Express, Tourist vans, Taxis, Tricycle for hire, Motorela for hire, mga private motorcycles ug delivery riders. Gitugutan usab nga mu-agi ang mga biseklita apan kini diha lang musubay sa sidewalk sa tulay.
Apil usab sa gitugutang mu-agi ang mga ambulansya, rescue vehicles, police patrol ug fire trucks.
Alayon niini, gipangayo ang kooperasyon ug pagsabot sa mga motorista samtang ginpatuman ang simulation dayong hangyo sa tanan nga mosunod sa traffic personnel ug temporaryong traffic arrangement sa lugar.
