BUTUAN CITY – Magpadayon pa ang City Government sa Butuan pinaagi sa City Transportation, Traffic and Management Department kon CTTMD ug sa Department of Public Works and Highways kon DPWH pagpahigayon og dugang nga traffic simulations aron masiguro nga ang ipatuman nga traffic management plan sa pagsugod sa rehabilitasyon sa September 16, mao ang pinakaluwas, pinaka-episyente, ug labing angay alang sa tanang commuters, motorista, ug mga stakeholders.
Sa eksklusibong pakighinabi sa Bombo Radyo Butuan, gipadayag kini ni CTTMD head Ma Kristina Cassion, human gipatuman ang unang traffic simulation kagahapong adlawa kondiin nakadawat gilayon sila og mga suhestyon aron mas mapahapsay pa ang dagan sa trapiko sa maong tulay higayong magsugod na ang rehabilitasyon.
Apil na sa nadawat nilang suheston ang pagpa-agi na sa tanang mga sakyanan sa maong tulay bisan og stop-and-go scheme ang ipatuman sa usa ka lane ug ang mga motorista na matud pa ang magdesisyon kung padayon silang mu-agi unya niini taliwa nga duna’y rehabilitayon o adto nila pilion nga mu-agi sa Macapagal Bridge.
