BUTUAN CITY – Anaa na sa high alert status ang Iloilo Provincial Health Office samtang nagkaduol ang Dinagyang Festival kondiin gila-umang magtigom ang daghang mga tawo diin ubay-ubay nga mga kalihukan ang nagpadayon ug himuon pa.
Sigon sa maong buhatan, duna’y tulo ka mga komite ang mutuok sa seguridad, kaluwasan ingon man emergency medical response aron malikayan ang pagkaylap sa mga sakit ug matubag gilayon ang bisan unsa mang emerhensya.
Sigon ni Dr Rodney Labis, hepe sa Health Service Delivery Division sa maong buhatan, mag-deploy usab sila og mga health personnel, ambulansya ug uban pang mga medical resources gikan sa mga ospital ug uban ang mga health facilities.
Sila ang mututok sa mga dagkong aktibidad sama sa Food Festival nga himuon sa Iloilo Capitol ug sa Iloilo Sports Complex.
Manghatag usab sila og face mask ug magbutang og mga alcohol sa mga entry points sa Iloilo Sports Complex alang sa libreng sanitasyon sa mga tawo.
