BUTUAN CITY- Gi-akusahan ni Mohammad Bagher Ghalibaf, Iran’s parliament speaker ug lead negotiator ang US nga nakalapas sa ceasefire pinaagi sa padayon nga blockade sa Iranian ports ug sa kapakyasan sa pagpugong sa Israel kinsa nagpalala sa mga pag-atake sa Lebanon.
Samtang, ang Kuwait Foreign Ministry mikondena sa “heinous and repeated Iranian attacks” human giigo sa Islamic Revolutionary Guard Corps (IRGC) ang usa ka base nga giingong gigamit sa pag-atake sa Sirik Island. Sa laing bahin, si US President Donald Trump mingbutyag nga hapit na kini sa usa ka “very good deal” uban sa Iran, samtang ang mga report sa US media nagpasabot nga iyang gipaningkamotan nga mas hugtan pa ang mga kondisyon.
Mingtug-an usab si Iranian Foreign Minister Abbas Araghchi nga nagpadayon ang pag-exchange og mensahe tali sa Washington ug Tehran, apan wala pa’y kasiguraduhan hangtod nga ma-finalize ang usa ka kasabutan.
