BUTUAN CITY – Parehong malipayong gi-claim kaganinang buntag sa unang mga mananaog sa unang senemanang pagbola sa Enhanced Swerte sa Palengke 2020 promo ang ilang nadag-ang ganti. Unang gi-claim ni Love Joy Debajo nga taga-Purok 2, Brgy. Upper Doongan ning siyudad ang iyang nadag-ang 5-mil pesos isip unang ganti.
Dako ang iyang pagpasalamat sa Ginoo nga siya ang pinaka-unang studio first prize winner sa promo nga gi-enhance sa Bombo Radyo Philippines tungod sa nagtunhay gihapong pandemya nga hatud sa COVID-19.
Nagngisi usab nga nag-claim ug nagpasalamat sa iyang nadag-ang 4-mil pesos isip ikaduhang ganti si Emily Alforque sa Purok 6, Brgy. Ampayon.
Doble ang swerteng mi-abot karong adlawa sa ikatulong mananaog tungod kay human niya na-claim ang 15-mil pesos nga iyang ganti isip first area winner sa grand draw sa Buena Mano Salvo Year 15 promo, nakuha na usab ni Tessie Malabon sa Purok 4, Brgy. Doongan ang makadawat og 3-mil pesos nga ganti.
Kini gawas pa sa gift pack nga ilang nadawat nga balor 500-pesos kansa gisulod sa baldeng Oro Can.
Samtang na-claim na usab sa mga online activation winners sa Enhanced Swerte sa Palengke 2020 promo ang ilang nadag-ang mga ganti.
Unang naka-claim sa 3-mil pesos nga major prize si Zenaida Salonoy sa Serviam Multi-Purpose Cooperative sa Brgy. Ampayon kinsa wala magdahom nga apil sa mga makadaug.
Samtang parehong nakadawat og tag-1,500 pesos isip consolation prize winners sila Vina Mae Jamelo sa Brgy. Doongan nga maoy tag-iya sa Jamelo Store;
Elisa Narvas sa Brgy. Tiniwisan nga maoy nagtawo sa San Roque Multi-Purpose Cooperative ug Jennie Madrid sa Brgy. Doongan nga maoy tag-iya sa Drid Store.
