BUTUAN CITY- Nanawagan si US President Donald Trump sa Israel ug Iran nga undangon na ang ilang pagbinayloay og mga pag-atake sa matag teritoryo— ang pinakaunang engkuentro sukad sa April ceasefire.
Sumala ni Trump, ang duha ka panig nagtan-aw sa usa ka “immediate ceasefire.” Ang Israel naglunsad og air strikes sa kasadpan ug sentral nga Iran human ang Iran mipabuto og mga missile padulong sa amihanang Israel.
Gipasabot sa Israel nga “dozens” sa ilang fighter jets nakakompleto sa pagtarget sa Iranian defense systems, samtang ang Iran mitubag nga kini mao pa lang ang “sinugdanan sa usa ka semanang padayon nga mga atake.” Ang tensiyon misugod human sa airstrikes sa Israel sa Beirut, Lebanon, batok sa Hezbollah, nga giingong tubag sa pagpabuto og rockets padulong sa Israel.
