BUTUAN CITY – Gipahayag sa usa ka legal expert nga dili pa dapat tawagon nga pugante si Senador Ronald Bato Dela Rosa human misibat sa pag-aresto untana sa taga National Bureau of Investigation kon NBI.
Sigon ni Atty. James Reserva nga walay warrant of arrest nga gi-isyu ang korte sa Pilipinas rasong dili siya dapat tawgong pugante.
Sa pagsibat usab niini gikan sa senado gibutyag ni Atty. Reserva nga walay kaakuhan niini ang senado tungod kay wala may gipakita ang taga NBI og warrant of arrest.
Gane bisan si Justice Secretary Junvic Remulla miadtu usab sa senado og misulti nga dili niya intensiyon nga arestuhon ang senador.
Ang nahitabo matud pang kagubot sa senado, natigayon tungod sa kawalay saktong koordinasyon sa otoridad ngadto sa senado ilabina sa bag-ong presidente niini nga si Senador Alan Peter Cayetano.
Nabalaka usab kini sa panghitabo diin panget ang napatik sa kasaysayan nga ang senado, anaa sa pagpangatake nga mugna sa kawalay respeto ngadto sa institusyon.
