BUTUAN CITY- Nahimong emosyonal ang beteranang singer nga si Celine Dion sa pagbalik niini sa tage human ang pila ka tuig nga pakigbatok sa talagsaong neurological disorder.
Nahimong sold-out ang show sa 58-anyos nga French-Canadian singer.
Nagsiniggitay ang kapin 30,000 ka mga fans nga nanan-aw sa concert human gisugdan niini ang concert pinaagi sa pagkanta og French language ballad nga “On ne change pas” o “One Doesn’t Change” .
Lakip sa mingtan-wa sa concert niini sa Plenitude Arena si kanhi US First Lady Michelle Obama.
Sigon sa singer, natubigan ang iyang mga mata sa dihang nakita niini ang bug-os nga suporta sa mga fans.
Kahinumdumang kapin usa ka tuig na nga wala makahimo og konsiyerto ang singer human nataptan og Stiff Person Syndrome usa ka dili na matambalang kondisyon nga nagresulta sa cramps ug dili malihok sa parte sa kalawasan.
Niadtong Marso, gi-anunsyo sa singer nga mobalik kini paghimo og konsiyerto human nataptan sa maong sakit.
