BUTUAN CITY- Gi-aprobahan na sa Senado sa 3rd reading, sa botong 13-5-0, ang Senate Bill No. 2387 nga nagtakda og 5 ka tuig nga termino sa mga opisyal sa Barangay ug Sangguniang Kabataan (SK).
Tungod sa maong proposed bill gi-angkon ni Senator Francis “Chiz” Escudero, adunay bag-ong electoral cycle ug magresulta kini sa pagbalhin sa nakatakdang Barangay ug Sangguniang Kabataan Elections (BSKE) sa Nobyembre 2026 ngadto sa Nobyembre 2028.
Sumala ni Escudero, tumong sa sugyot nga adunay mas sigurado ug plastar nga sistema sa lokal nga pagdumala aron malikayan ang balik-balik nga pagpostpone sa election matag magdungan kini sa national election.
Apan, gisupak usab kini sa pipila ka senador sama nila Senator Tito Sotto ug Joel Villanueva, kansa ming-insistar nga ang pagpostpone na usab sa BSKE posibleng supak sa Saligang Batas ug mag-usik sa P8 bilyong natala nga gastos sa Comelec alang sa pagpangandam sa pinili-ay karung tuiga.
Mingpasar na usab sa ika-tlong pagbasa ang susamang sugyot sa House of Representatives (House Bill No. 10971), hinungdan nga gikatakda nalang kining ipa-ilawom sa bicameral conference committee adiser isumite sa Malacañang alang sa pirma ni President Ferdinand Marcos Jr.
