BUTUAN CITY- Gikuwestiyon ni Dr. Gerry Caño, presidente sa Professional Criminology Association of the Philippines kon PCAP, ang kalig-on sa mga ebidensyang may kalabotan sa pag-aresto kang kanhi House Speaker Martin Romualdez, ug sumala niini, posible nga huyang ug dili igo ang basehan sa kaso.
Sigon ni Caño, adunay kabalaka nga mahimong ma-dismiss ang kaso kung mapamatud-ang hearsay lamang ang pipila sa mga ebidensyang gipresentar sa Office of the Ombudsman, ilabina kung wala kini direktang nagdugtong kang Romualdez sa giingong 7.4 bilyones pisos nga kurapsyon sa flood control projects.
Dugang pa niini, kung ma-dismiss ang kaso ug maaplikar ang prinsipyo sa double jeopardy, mahimong dili na kini mapasaka pag-usab sa maong kaso, gani mas maayo matud pa nga lig-on ug klaro ang ebidensyang ipresentar sa korte aron masiguro ang hustong pagpadayon sa kaso.
