BUTUAN CITY- Nagsumite og petisyon sa Korte Suprema si Vice President Sara Duterte aron supakon ang tulo ka kaso sa grave threat nga gisang-at sa Department of Justice kon DOJ batok niini.
Pinaagi sa Petition for Certiorari and Prohibition nga giubanan og aplikasyon alang sa Temporary Restraining Order kon TRO, gihangyo ni Duterte nga ipawalay-bili ang resolusyon sa DOJ kansa nagrekomendar sa pagsang-at sa mga kaso, lakip ang resolusyon sa Quezon City Regional Trial Court nga misalikway sa iyang motion to quash ug ang warrant of arrest nga gipagawas batok kaniya.
Gihangyo usab sa bise presidente nga pugngan ang prosekusyon ug korte sa Quezon City sa paghimo og dugang nga mga aksyon kalabot sa kaso. Usa sa mga isyu nga gipatin-aw sa iyang petisyon mao ang limitasyon sa procedural immunity sa usa ka naka-ingkod nga opisyal nga mahimong ma-impeach.
Gisundan dayon kini sa iyang kampo og mosyon alang sa paspas nga pagresolba sa TRO aron dili na mahimong moot and academic ang iyang hangyo sa wala pa ang nakaeskedyul nga arraignment ug pretrial karung adlawa, Biyernes Septyembre 11.
