BUTUAN CITY- Gikomperma sa Department of Foreign Affairs kon DFA, nga adunay bilateral meetings sila President Ferdinand Marcos Jr. ug si Indian Prime Minister Narendra Modi. Hisgutan sa duha ka lider ang isyu Trade and Investment Agriculture.
Makigmeeting usab si Marcos sa mga Business leaders sa India aron pakusagan ang pamatigayon, investment ug uban pang relasyon tali sa Pilipinas ug India.
Sumala ni DFA Assistant Secretary Analiza Ratonel, nga tumong sa pakigmeeting sa Presidente sa mga business leaders sa India mao ang i-follow up ang mga investment pleiades ug commitment sa mga kompanyang Indian nga gipadayag niadtong pagbisita ni Marcos sa India niadtong August 2025.
Niadtong miaging tuig gi-anusnsyo sa Presidente ang anaa sa $5.8 billion investment pledges gikan sa mga kompanyang Indian sa sektor sa teknolohiya, panglawas, enerhiya ug imprastraktura.
Lakip sa deligasyon sa Pilipinas sila Foreign Affairs Secretary Maria Theresa Lazaro, Information and Communication Technology Secretary Henry Aguda ug Finance Secretary Frederick Go.
Dakong oportunidad usab alang sa Pilipinas ang pakigrelasyon sa mga ekonomiya sa Brics hilabi na sa hisgutanang pamatigayon, investment ug security.
Sigon ni Ratonel, ang pagtambong ni President Marcos sa Brics summit parte sa responsibilidad niini isip ASEAN Chair karung tuiga.
Dugang pa sa DFA, posibleng adunay halapad nga oportunidad sa Trade Diversification, Economic Cooperation, Regional Security ug Climate resilience pinaagi sa relasyon sa ASEAN ug BRICS. Matud pa ni Ratonel, nga dul-an katunga nga populasyon sa kalibotan girepresent sa mga nasud nga lakip sa BRICS, hinungdan nga importanteng makigkomunikar ang Pilipinas sa mga niini.
