BUTUAN CITY – Gipahayag sa House Prosecution panel nga pormal na nilang ipadapling ang Articles I ug IV sa impeachment complaint batuk kang Vice President Sara Duterte, nga nagtumbok sa mga alegasyon mahitungod sa confidential funds ug grave threats, aron hingpit nga itutuk ang ilang kaso sa Article II mahitungod sa matud pa unexplained wealth sa Bise Presidente.
Tungod sa nahimong lakang sa prosecution, bugtong ang ikaduhang artikulo na lang ang ipabilin sa panel para sa iyang formal offer of exhibits sa atubangan sa impeachment court.
Pinaagi sa pagtangtang sa mga pasangil nga dunay kalambigitan sa sayup nga paggamit sa confidential funds ug matud pa paghulga, itutuk sa prosecution ang tibook kabug-at sa kaso sa mga nakaylap nga financial records ug forensic analysis mahitungod sa dili mapasabot nga bahandi ug mga kabtangan sa pamilya Duterte.
Samtang gipaneguro usab sa defense counsel nga si Atty. Sheila Sison nga dili maapektuhan sa nahimong desisyon sa prosecution ang nakalinyang estratehiya sa kampo sa Bise Presidente.
Sigon ni Sison, dili usabon sa defense team ang iyang mga nakaplanong lakang ug padayon nilang iatubang ang ilang mga ebidensya aron ipanghimakak ang nahabiling akusasyon batuk sa Bise Presidente.
