BUTUAN CITY- Posibleng mo-abot sa P1.5 bilyones pisos ang matud pa dili mapasabot nga bahandi ni Vice President Sara Duterte gikan 2022 hangtud 2025, sumala sa prosecution forensic accounting expert nga si Alexander Cabrera.
Sa hearing sa Senado sa impeachment trial kagahapong adlawa Lunes, sigon ni Cabrera nga mas taas kini sa P817.87 million pesos nga nasuta sa original nga taho nga gigamit sa konserbatibong pagbanana.
Bisan paman, pagpasabot pa ni Cabrera, ang P1.5 bilyon posibleng pinakataas nga pagbanana ug dili pa final nga resulta.
Gi-angkon usab ni Cabrera nga kinahanglang kuhaon ang mga nahaom nga tulobagon o liabilities, lakip ang wala nabayaranag buwis, aron matumbok ang aktuwal nga kantidad.
Parte ang mga testimonya niini sa mga alegasyong wala gideklarang mga kabtangan ug dili mapasabot nga bahandi batok sa Bise Presidente.
Samtang, wala pa’y pinal nga desisyon bahin sa maong kantidad.
