BUTUAN CITY- Giduso ni President Ferdinand Marcos Jr. ang pagpalapd sa paggamit sa electric vehicles (EVs) sa pampublikong transportasyon aron makunhoran ang gastos sa krudo ug ma-usbawan ang kita sa mga drivers ug operators.
Karung adlawa, gibisita sa Presidente ang Green Mobility Hub sa Balanga, Bataan, kung asa gipakita ang mga electric bus ug e-tricycle nga posibleng gamiton sa public transportasyon.
Sumala sa Chief Executive, base sa kalkulasyon gikan sa P78,000 nga buwanang gastos sa krudo sa usa ka gamay nga bus nga mobyahe og 200 kilometro matag adlaw, posible kining mo-ubos og P9,100 kung mogamit og kuryenteng gikan sa solar power.
Sa e-tricycle usab nga mobiyahe og 80 kilometro matag adlaw, posibleng mo-ubos pg P900 ang monthly nga gastos sa enerhiya gikan sa P6,800 nga gastos sa krudo.
Gisiguro sa Pangulo nga palapdan sa panggamhanan ang pagtukod og mga susama nga pasilidad sa Bataanug sa uban pang urban center.
Tumong niini nga makunhoran ang gastos sa operasyon ug polusyon, ug mapagaan ang gastusonon sa mga commuter
