BUTUAN CITY- Nahagsa sa bag-ong pinaka-ubos nga lebel sa kasaysayan ang piso sa Pilipinas human kini mingsira sa P63.06 batok sa dolyar sa pagtapos sa pamaitigayon niadtong Oktubre 15.
Sa intraday trading kagahapong adlawa, nahagsa pa ang bili sa lokal nga panalapi sa P63.15 matag dolyar, kansa minglapas sa kanhi record low nga P62.90 niadtong Oktubre 8.
Gilaoman nga moresulta ang paghuyang sa piso sa mas taas nga gastos sa pag-import og lana ug produktong petrolyo, nga posible usab nga magtuklod sa pagsaka sa inflation o presyo sa mga palaliton sa nasud.
Gawas niini, maka-apekto usab ang depresyon sa piso sa nasudnong utang sa Pilipinas, kung asa ang ikatulong parte niini magsugod sa mga foreign creditors.
Bisan tuod og ang mga pamilya sa mga overseas Filipino worker (OFW) mahimong makabenepisyo sa mubo nga panahon gikan sa mas taas nga kantidad sa ilang mga remitans kon i-convert ngadto sa piso, ang ilang gahum sa pagpalit mahimo gihapong maapektuhan sa pagsaka sa mga presyo.
Sukad nga nagsugod ang tensyon ug pag-atake sa US ug Israel batok sa Iran niadtong kataposang bahin sa Pebrero, nahagsa na og 9.4 porsyento o P5.395 ang kantidad sa piso batok sa dolyar.
