BUTUAN CITY – Nadismaya ug natingala ang Alliance of Concerned Teachers kon ACT Teachers Partylist sa pagtangtang na sa House Prosecution panel sa kasong may kalambigitan sa confidential funds ni Vice President Sara Duterte.
Kini ang reaksyon ni kanhi ACT Teachers Partylist Rep France Castro human gi-drop ang maong artikulo uban sa kasong grave threats ug bribery.
Sa eksklusibong pakighinabi sa Bombo Radyo Butuan, gipadayag sa kanhi kongresista nga sukad pa ning nakalabay’ng semana, misaka na matud pa ang interest sa katawhang Filipino pagsunod sa impeachment trial tungod sa pagtestigo sa mga financial experts kondiin daghan matud pa nga mga kamatu-uran ang nabulgar kalabot sa wala gipadayag nga bahandi sa besi presidente.
Apil na niini ang double compensation, non-disclosure sa mga assets, ug uban pang mga makonsiderang tinaguang bahandi matud pa sa magti-ayong Vice President Sara Duterte ug Atty. Mans Carpio.
Dako ang iyang pagtuo nga gawas sa kakusog matud pa sa mga ebidensyang gipresenta sa prosekusyon sa maong kaso, kusog usab ang mga ebidensya ug testigong gipresenta alang sa confidential funds nga dapat wala gitangtang sa prosekusyon.
