BUTUAN CITY- Gikwestyon sa Commission on Audit ang Sandiganbayan kalaboyt sa mga iregularidad sa mga dokumentong naggastos sa overseas trips sa pipila ka justices ug personnel, ingon man ang pag-organisa sa event sa pipila ka mga four-star ug five-star hotel venues.
Base sa gipatik nga annual audit report sa anti-graft court niadtong 2025, nasuta sa Commission on Audit nga na-aprobahan ang liquidation nga “cash advance” kung asa gigamit ang P11,869,847.98 alang sa foreign travels sa mga opisyales sa Sandiganbayan ug mga empleyado niini niadtong 2025, kung asa ang mga niini walay igo ug kumpletong dokumento.
Sumala sa COA report, natunga sa pito ka foreign trips, kansa kadaghanan conferences ug training sa US state of Missouri; Victoria, Australia; Budapest, Hungary; Dubai, United Arab Emirates; Doha, Qatar ug Singapore gikan sa buwan sa Setyembre hangtud Disyembre niadtong 2025.
Nasuta usab nga ang usa sa pinakamahal nga foreign trips mao ang Hungary nga nagkantidad og P2.5 million, Dubai nga nagkantidad og P1.88 million, samtang ang Singapore trip usab nagkantidad otg P1.82 million.
Base sa rules sa anti-graft court nga gitumbok sa COA, subling ang presiding justice lang ang adunay katungod nga mag-business class, samtang ang uban pang mga empleyado gitugotan lang nga mag-avail og official economy class, ugaling dili man kini tubagon sa host country o sponsoring organization.
