BUTUAN CITY- Patay ang tulo ka giingong miyembro sa dismantled GF 88 lakip na ang Communist Party of the Philippines–New People’s Army kon CPP-NPA terrorist leader sa North Central Mindanao Regional Committee kon NCMRC human nakasugat sa engkwentro ang mga sundalo sa Philippine Army atol sa hot pursuit operation sa lasangan nga bahin duol sa Barangay Bakingking, Esperanza, Agusan del Sur, kagahapong adlawa Septiyembre 12, 2026.
Sumala sa sketchy report sa Police Regional Office 13, mga alas-5:00 sa kaadlawon, nakasugat sa giingong mga miyembro sa maong grupo ang mga personnel sa 1st Squad, Charlie Company, 26th Infantry Battalion, nga gipangulohan ni 2LT Arcia, samtang nagpahigayon og padayong joint military operations sa hinterland area sa maong barangay.
Atol sa clearing operation, usa ka lalaking casualty ang unang narekober sa bahin sa giingong kaatbang, samtang sa follow-up nga impormasyon, tulo ka lawas ang giingong narekober sa operating team, lakip ang usa nga giingong alyas “Rheda.” Gani, mingkanaog na ang operating team gikan sa lugar dala ang tulo ka lawas, samtang padayon pa ang beripikasyon ug imbestigasyon sa insidente.
