BUTUAN CITY – Opisyal nang nag-andam ang Senado alang sa impeachment trial ni Vice President Sara Duterte, diin giisip sa liderato sa chamber nga siguradong ipadala sa House of Representatives ang articles of impeachment.
Sigon ni Senate President Pro Tempore Panfilo Lacson nga nagpulong si Senate President Vicente Sotto III uban sa majority bloc aron mangandam sa umaabot nga lisod nga legal nga panaglalis.
Sumala pa ni Lacson nga duna matud pay impormasyon ang senate president nga sigurado nga ipadala ang articles of impeachment ngadto sa Senado.
Gipahayag ni Lacson nga iyang gisugyot ang usa ka hybrid nga iskedyul aron masiguro nga dili maparalisa ang regular nga legislative ug investigative nga buluhaton sa Senado samtang nagpadayon ang trial.
Samtang ang Senate President unang misugyot nga kada-hapon ang impeachment trials human sa plenary sessions sa buntag, gisugyot ni Lacson nga ang Lunes, Miyerkules, ug Biyernes sugod sa alas-3 sa hapon igahin para sa impeachment trial.
Ang regular nga plenary sessions ipahigayon sa Martes ug Huwebes sa hapon.
Sumala ni Lacson, kadaghanan sa mga senador nga mitambong miuyon sa iyang gisugyot nga iskedyul.
