BUTUAN CITY- Gibatikos ni kanhi Senador Richard Gordon ang kasamtangang liderato sa Senado ug ubang opisyal nga adunay tulobagon matud pa sa natigayong kagubot ug pinuslilay sa Senate Building niadtong, Mayo 13, 2026.
Sumala ni Gordon sa pakighinabi sa Bombo Radyo, nga ang insidente nagpakita sa kakulang sa seguridad ug liderato, ug dili mahimong ibaliwala kung walay tulubagon gikan sa mga nagdumala..
Gitumbok usab niini, nga ang Senado kinahanglang mahimong modelo ug respeto sa balaod, apan ang nahitabo klarong timailhan sa pagpabaya.
Dugang pa kanhi senador, ang accountability importante aron mabalik ang pagsalig sa publiko sa institusyon.
Ang maong pamahayag subay sa imbestigasyon sa Office of the Ombudsman, kung asa gisuspende si Acting Senate Sergeant-at-Arms Mao Aplasca.
Sa pagakaronm, wala pay opisyal nga tubag gikan sa Senate leadership kalabot sa akusasyon ni Gordon, apan gilaoman nga hisgutan kini sa sunod nga sesyon.
