BUTUAN CITY- Patay ang 28 ka bata ug usa ka magtutudlo, samtang 47 ka estudyante ang nasamdan, human nahugno ang atop sa Al Khair Public School sa Peshawar sa Northern Pakistan, niadtong Huwebes sa buntag tungod sa kusog nga ulan sa miaging gabii, sumala sa mga awtoridad.
Adunay mga bata usab nga natanggong sa mga kagun-oban samtang nagpadayon ang operasyon sa mga rescuers.
Ang insidente nag-aghat kang President Asif Ali Zardari sa pagtawag alang sa usa ka komprehensibong imbestigasyon aron matino ang hinungdan sa makalilisang nga trahedya, kansa dugang nga nagpasiugda sa mga kabalaka bahin sa kaluwasan sa mga bilding sa nasud tungod sa huyang nga pagpatuman sa mga sumbanan sa konstruksyon ug paggamit sa mga materyales nga dili lig-on, ilabi na pipila lang ka semana ang milabay, labing menos 14 ka bag-ong natawo ang namatay sa sunog sa usa ka ospital sa Islamabad, samtang niadtong Hulyo, labing menos 14 usab ka estudyante ang namatay sa pagkahugno sa atop sa usa ka central school nga gitukod pa sa Lahore.
