BUTUAN CITY – Nanawagan ang 72 ka retiradong heneral, admiral ug kanhi tag-as nga opisyal sa militar sa Estados Unidos nga kanselahon ang plano nga i-live stream ang execution pinaagi sa firing squad kang Nidal Hasan, kanhi psychiatrist sa US Army, ug gitudlong maoy mipatay og 13 ka wala’y armas nga sundalo sa Fort Hood military base.
Sa ilang open letter, gibutyag sa mga retiradong opisyal nga ang livestream posbleng maghimong martyr kang Hasan ug mahimong makalapas sa proteksyon sa US Constitution batok sa cruel and unusual punishment.
Gikondena usab sa mga magbabalaod gikan sa duha ka dagkong partido ug mga lider relihiyoso ang maong plano.
Samtang gibutyag ni President Donald Trump nga gi-uyonan niya ang livestream, apan wala pa siya makahimo og pinal nga desisyon bahin niini.
