BUTUAN CITY – Gibirahan ni Senate President Alan Peter Cayetano ang minorya sa Senado mahitungod sa mga batikos sa iyang pagdumala.
Sigon ni Cayetano nga daw nakatutuk ang pagtagad sa bag-ong minorya sa 2028 National Elections kaysa sa kasamtangang trabaho sa Senado.
Ginegar usab niya ang mga alegasyong nahimong gubot matud pa ang Senado sukad nga milingkod siya isip lider sa balauranan.
Sigon ni Cayetano nga dunay misulay nga baliktaron ang narrative aron ipakitang gubot ang senado sa iyang liderato.
Nagpahayag usab og kadismaya si Cayetano kang Executive Secretary Ralph Recto human niini nagpaambit og pamahayag nga staged o hinimo-himo lang ang insedente bisan og wala pa nahuman ang imbestigasyon.
Subling gibasol usab niini si National Bureau of Investigation kon NBI Director Melvin Matibag sa kagubot sa senado.
Niadtong Lunes, Mayo 11, mihimo og Senate coup ang Duterte bloc nga gilangkuban ni Cayetano, nga nagresulta sa pagpalagpot kang Sen. Tito Sotto III isip Senate President.
Sa botong 12-9, nakuha ni Cayetano ang liderato sa Senado, samtang nag-abstain usab sila Sen. JV Ejercito ug Sen. Migz Zubiri.
Human sa reorganisasyon, gideklarang bakante ang tanang posisyon sa Senado, lakip na ang mga committee chairmanships, nga nahimong rason sa pagkansela sa pipila ka pagdungog sa mga komite.
Si Cayetano na karun ang ikatulong Senate President sukad nga mag-abli ang 20th Congress niadtong 2025.
Mahinumdumang si Sen. Chiz Escudero ang unang Senate President sa 20th Congress adiser siya mapahawa human ang kudeta nga gipangunahan kaniadto sa paksyon ni Sotto.
Nahimong kontrobersyal usab ang paglingkod ni Cayetano isip Senate President human ang insidente sa matud pa pinusilay tali sa Office of the Sergeant-at-Arms (OSAA) ug mga operatiba sa National Bureau of Investigation (NBI) mahitungod sa nag-ong-ong nga pag-aresto kang Sen. Ronald “Bato” dela Rosa niadtong Miyerkules, Mayo 13.
