BUTUAN CITY – Gisang-at sa Department of Justice (DOJ) kagahapong adlawa ang tulo ka ihap sa kasong Grave Threats batuk kang Vice President Sara Duterte sa Regional Trial Court sa Quezon City.
Samtang gibasura sa DOJ ang reklamong Inciting to Sedition nga unang gihaon sa National Bureau of Investigation (NBI) batuk kaniya.
Gipalagan sa kampo sa Bise Presidente ang maong lakang pinaagi sa iyang legal counsel gikan sa Chua Lim & Associates nga si Atty. Paul Lawrence Lim.
Sigon ni Lim, gilauman og gipangandaman na sa ilang legal team ang maong desisyon.
Gipamugos sa abogado nga sa ilalom sa balaod, nagpabiling inosente ang Bise Presidente ug dunay pagsalig silang mabasura usab ang nasangpit nga mga reklamo.
Gitumbok usab sa legal counsel nga isip usa ka kasamtangang impeachable officer, dili mamahimong kasuhan ang Bise Presidente mahitungod sa usa ka probisyon o pagsupak nga sakop usab sa kasamtangang kasong impeachment batuk kaniya.
Tungod sa mga seryosong isyung legal, gipaneguro sa kampo sa Bise Presidente nga gamiton nila ang tanang mga available nga legal remedies sa tukmang panahon.
