BUTUAN CITY – Manguna sa kampanya sa Pilipinas si Pinoy gymnast Carlos Yulo sa 2026 International Gymnastics Federation kon FIG World Artistic Gymnastics Championships nga himuon sa Rotterdam, Netherlands Oktubre 17 hangtod 25 kondiin maka-uban niya sa maong kompetisyon ang iyang manghod nga si Karl Eldrew Yulo.
Apil ang duha sa men’s individual all-around, samtang ang ilang mga kauban nga Pinoy nga sila Juancho Miguel Besana ug Haylee Garcia adunay tagsa-tagsa ka event.
Madumdumang nakadaog og duha ka gold medals si Carlos Yulo sa floor exercise ug vault sa bag-o lang natapos nga Asian Games nga gipahigayon sa Aichi-Nagoya, Japan.
Sa pagkakaron, nagbansay ang Philippine gymnastics team sa Antibes, France isip kabahin sa ilang pagpangandam alang sa World Championships.
Sigon ni Carlos, nahimong kabahin sa iyang pagpangandam alang sa World Championships ang Asian Games ug nalipay siya nga hapit na makompleto ang ilang training camps.
Samtang kumpiyansa usab si Karl Eldrew Yulo nga makasulod sa podium human siya nakadaog og bronze medal sa Asian Games.
