BUTUAN CITY – Mala-umon ang House Prosecution Panel nga mag-convene na ang Senado isip impeachment court ugmang adlawa, Lunes aron masugdan na ang pagdungog sa Articles of Impeachment batuk kang Vice President Sara Duterte.
Kini human nga naka-abot na kanila ang sulat ni Senate President Alan Peter Cayetano nga mipasalig nga target nilang mag-convene ugma sa alas-tres sa hapon human nadawat ang Articles of Impeachment gikan sa Kamara. Bisan pa man, aminado si House Prosecution member Ysabel Zamora nga posibleng madelatar kini pinaagi sa mga pangutana o procedural motions gikan sa mga senator judges.
Gipadayag niining gusto niyang masugdan gilayon kini sa labing daling panahon aron mahatagan og higayon ang matag-panig pagpadayag sa ilang mga argumento ug pagpakita sa ilang mga ebidensya.
Andam na ang 11 ka mga membro sa House Prosecution Panel alang unya sa himuong impeachment trial batuk kang Vice President Sara Duterte.
Sigon ni House Prosecution panel member Rep Terry Ridon, wala sila’y nakitang rason aron dili madayon ang impeachment trial. Gawas niini, plastar na usab ang ilang ipresenta nga mga grounds of impeachment ngadto sa Senado sama sa unexplained wealth, bribery, pagbahad sa kinabuhi sa First Couple ug uban pa.
