BUTUAN CITY – Gikumpirma sa National Bureau of Investigation (NBI) nga gikonsidera nilang “person of interest” si Senador Robin Padilla mahitungod sa pagkawala ug nahimutangan ni Senador Ronald “Bato” dela Rosa human kini mibiya sa Senado niadtong Huwebes.
Sigon ni NBI Director Melvin Matibag, si Padilla matud pa ang katapusang nakitang kauban ni Dela Rosa adiser kini hingpit nga mawala sulod sa Senate premises.
Dugang pa niini, awtomatikong apil si Padilla sa mga dapat pangutan-on aron matin-awan ang lokasyon sa senador.
Mibiya si Dela Rosa sa Senado pipila ka oras human ang tensyon ug gikatahong pinusilay sulod sa dakbalay niadtong Miyerkules sa gabi-i, samtang siya anaa sa ilalom sa “protective custody” sa Senado mahitungod sa warrant gikan sa International Criminal Court tungod sa kasong crimes against humanity nga dunay kalambigitan sa war on drugs sa nakalabay nga administrasyon.
Sigon usab ni Matibag nga dunay pagduda ang pipila ka ahente sa NBI nga posibleng gihimong “diversion” ang nahitabong pinusilay aron makasibat si Dela Rosa.
Sumala pa sa opisyal, bisan ang asawa sa senador nagbutyag nga gipahimuslan niini ang kagubot aron makabiya sa Senado.
Padayon usab nga nakiglambigit ang NBI sa Department of Justice samtang nagpadayon ang imbestigasyon sa insidente ug sa posibleng nahimutangan ni Dela Rosa.
