BUTUAN CITY – Viral karon sa social media ang usa ka bag-ong lisensyadong embalmer nga si Angel Lyan Brillantes, human nakadani sa atensyon sa mga netizens tungod sa iyang ka-anyag ug sa iyang gipiling propesyon.
Apan labaw pa sa iyang panagway, gipakita ni Angel nga taga-Matanao, Davao del Sur, nga ang pag-embalsamar usa ka propesyon nga nanginahanglan og kahibalo, pagbansay ug dakong respeto sa namatay ug sa ilang mga pamilya.
Ang istorya ni Angel nakahatag usab og higayon aron ipakita nga ang trabaho sa embalmer dili basta-basta tungod kay auna kini’y responsibilidad sa pag-atiman sa mga namatyan ug pagtabang sa pamilya nga mahatagan og dignidad ang ilang minahal sa kataposang higayon.
Tungod sa iyang ka-anyag ug sa gipiling propesyon, dali siyang napansin sa social media ug nahimong viral, apan ang iyang istorya nagpahinumdom nga ang usa ka propesyon dili angay sukdon lamang base sa panagway, kondili sa kahibalo, dedikasyon ug serbisyo.
