BUTUAN CITY – Pormal nang gi-ablihan ang ika-40 ka tuig nga selebrasyon sa Balangay Festival 2026 pinaagi sa ceremonial opening, nga nagtimaan sa pagsugod sa kasaulogan sa dakbayan sa Butuan.
Gipangunahan kini ni Mayor Law Fortun diin karong tuiga, gihimo nga mas yano ug simple ang selebrasyon isip pagpakita sa pagpakabana sa kasamtangang kahimtang sa kalibutan ug ang nasinating krisis sa nasud, tungod sa nagpadayon nga tensyon sa Middle East.
Sa nahimong pamahayag ni Mayor Fortun, gibutyag niining bisan pa man sa krises, gipa dayon gihapon ang diwa sa festival isip pagsaulog sa kasaysayan, kultura, ug identity sa Butuan ug nahimo usab nga espesyal karong tuiga tungod kay gisaulog usab ang ika-50 ka tuig sukad nadiskubre ang pinakaunang balangay boat sa Butuan—usa ka dakong simbolo sa kasaysayan isip Home of the Balangays.
Kabahin sa kalihokan ang pagpailaila sa mga Balangayan Ambassador, ang mga Mutya Hong Butuan candidates, mipadayag sa ilang mga adbokasiya nga nagtutok sa pagpalambo sa mga programa sa environment, agrikultura, turismo, ug lokal nga ekonomiya sa syudad.
Gilauman nga bisan sa mas simple nga selebrasyon, magpabilin ang panaghiusa sa komunidad ug mapadasig ang lokal nga turismo sa dakbayan.
