BUTUAN CITY- Mipagawas ang unang US Pope nga si Pope Leo XIV sa iyang unang encyclical nga “Magnifica Humanitas” diin iyang gipasi-ugda ang panginahanglan sa “pag-disarma” sa artificial intelligence ug nagpasidaan sa “bag-ong porma sa pagkaulipon” nga nagpaluyo sa teknolohiya.
Sa iyang manifesto nga gipresentar sa Vatican uban sa mga AI experts, giatake niini ang padayon nga kompetisyon sa mas kusog nga algorithms ug dagkong datasets alang sa dominasyon sa politika ug negosyo. Sigon sa Santo Papa nga dili angay nga itugot sa teknolohiya ang paghimo og desisyon sa gubat ug gidugang nga ang “just war” theory laos na. Iya usab giila ang mga tawo nga nag-antos sa likod sa AI sama sa mga content moderators ug kabataan nga nagkuha sa rare earth elements.
Gipangayo usab niini ang pasaylo sa papel sa Vatican sa pagkaulipon ug nanawagan sa mas responsable nga paggamit sa AI nga magpabilin nga “human-friendly” ug maghatag ug respeto sa dignidad sa tanan.
