BUTUAN CITY – Malampuson ang pagbisita ni Philippine National Police kon PNP Chief Director General Dionardo Carlos ning rehiyon sa Caraga kagahapong adlawa.
Sa pakighinabi sa Bombo Radyo Butuan kang Police Major Dorothy Tumulak, tigpamaba sa Police Regional Office kon PRO-13, gibutyag niining nahimong highlight sa command visit sa PNP Chief ang pakig-estorya sa mga unit commanders, provincial directors, uniformed ug non-uniformed personnel.
Gipahigayon usab ang awarding ceremony alang sa kapulisan nga nakahatag og exemplary contribution ilabina kadtong mga police officers nga nalambigit sa pagsikop kang Dra. Maria Natividad Silva Castro, usa ka miyembro sa Communist Party of the Philippines kon CPP Central Committee og Head sa National Health Bureau sa New People’s Army kon NPA.
Gihimo usab ang blessing og turn-over ceremony ngadto sa 21 ka mga patrol vehicles nga alang sa mga police units ning rehiyon sa Caraga.
Lakip na ang blessing sa PRO13 Riders’ Nook sulod sa kampo, pag-apod-apod og food packs ug pagtunol og financial assistance ngadto sa 10 ka mga former rebels atol sa pagpirma sa manifesto.
Hugot usab nga nagpasidaan ang PNP Chief ngadto sa kapulisan nga likayan ang paglambigit sa ilegal nga aktibidadis ilabina ang e-sabong.
