BUTUAN CITY – Ubay-ubay pa nga mga proyekto ug programa ang gipatuman sa National Irrigation Administration kon NIA-Agusan del Sur Irrigation Management Office alang ning panahon sa El Niño phenomenon aron dili mabug-aton ang mga mag-uuma sa ilang mahimong abagahong problema tungod sa kaminos sa supply sa tubig.
Sigon ni Engr. Peter Pablo, Acting Division Manager sa NIA-Agusan del Sur Irrigation Management Office, apil sa ilang gihimo ang repair ug restoration sa ilang national irrigation systems ingon man mga communal irrigation systems.
Sigon sa opisyal, sakop na niini ang mga service routes ug pag-develop sa ilang mga drainage facilities kansa nasubay sa master plan sa maong lalawigan.
Gawas pa kini sa dugay na nilang gipatumang irrigation management transfer ingon man mga serbisyong alang sa mga mag-uuma sama sa financial subsidies o incentives.
Mapasalamaton ang opisyal tungod kay epektibong napatuman sa maong lalawigan ang ilang mga proyekto ug programa human kini nabenepisyuhan sa daghang mga mag-uuma.
Kini human nila nakita ang limpyong mga pasilidad samtang ang gihatag nilang mg subsidies na-apod man og maayo.
