BUTUAN CITY – Aminado si Police Regional Office kon PRO-13 director Brigadier General Romeo Caramat Jr., nga ang mga medical frontliners pa sa ilang Regional Health Service-13 ang pinaka-unang mga police medical frontliners sa tibuok nasud ang natupukan sa Sinovac vaccines.
Sa eksklusibong pakighinabi sa Bombo Radyo Butuan, gipadayag sa heneral nga dili gyod apil ang ilang mga personahe sa mga tupukanan alang sa nangabot nga Sinovac vaccines apan mihangyo siya sa Department of Health ug mapasalamaton siyang gi-aprubahan kini.
Tambag niini sa tanan nga dili na magduha-duha pagpatupok higayong duna na’y available nga bakuna tungod kay proteksyon kini batuk sa seryusong kondisyon nga posibleng mahatud hgayong mataptan sa coronavirus.
Sa nangabot usab nga AstraZeneca vaccines, mihangyo na usab siya sa DOH-Caraga nga gahinan usab ang ilang buhatan og pipila ka doses niini aron matupok ngadto sa ubang mga police frontliners nga dili mupasar sa Sinovac.
