BUTUAN CITY – Human ang 44 ka tuig, subling mipatigbabaw ang Philadelphia 76ers batuk sa Boston Celtics sa usa ka playoff series human ang 109-100 nga kadaugan sa Game 7 sa Eastern Conference quarterfinals.
Gipangunahan ni Joel Embiid ang koponan sa iyang maayong dula nga dunay 34 puntos, 12 rebounds, ug 6 assists, samtang nakatampo usab si Tyrese Maxey og 30 puntos, 11 rebounds, ug 7 assists.
Tungod niini, natala og 76ers ang usa sa kasaysayang pinakadakong playoff comebacks human makabawi gikan sa 3-1 deficit. ika-14 ka koponan sa kasaysayan sa NBA nga nakahimo niini.
Kusog ang nahimong pagsugod sa Philadelphia sa second half diin nagposte kini og 14-3 run ug nakalabaw hangtud 18 puntos sa third quarter.
Bisan paman niini, wala misurender ang Boston, nanguna si Jaylen Brown nga dunay 33 puntos ug 9 rebounds og napakunhod ang labaw sa 1 puntos sa 4th quarter, lakip ang basket ni Brown nga nagpadool sa iskor sa 97-96 nga dunay lima ka minuto na lang ang nahabilin.
Bisan paman sa paggukod sa Celtics, nagpabiling kalmado ang 76ers sa ulahing minuto sa dula aron maselyuhan ang kadaugan.
Dakong kawala sa Boston si Jayson Tatum nga wala makadula sa Game 7 tungod sa left knee stiffness.
Kini ang unang higayon sukad niadtong 1982 nga napildi sa Philadelphia ang Boston sa playoffs, ug usa ka makasaysayanong kadaugan nga naghatag og dakong momentum sa 76ers sa sunod nga round sa Eastern Conference Semis diin maka-agbat nila ang New York Knicks.
