BUTUAN CITY – Giklaro ni Philippine Charity Sweepstakes Office kon PCSO-Agusan del Norte branch manager Misael Hamak nga dili lang dinhi sa siyudad sa Butuan nahitabo nga usa ka lotto bettor nang midaog og pilaka higayon sulod sa pipila ka mga buwan sa ilang mga lotto games.
Sa eksklusibong pakighinabi sa Bombo Radyo Butuan, gipadayag kini sa opisyal human migawas sa pagdungog sa Senate Committee on Games and Amusement sa pagpanguna ni Senador Raffy Tulfo, nga usa ka Butuanon ang 37 ka higayong midaog sa 3D lotto o three-digit Swertres Lotto game sulod lang sa unom ka buwan ning mi-aging tuig.
Sigon ni Hamak, mahulog nga usa ka tawo lang ang midaog tungod kay duna’y may mga bettors nga nagpuyo sa layong lugar ang muhangyo sa lotto agent nga tapalan una ang premyong nadag-an nga ila lang i-claim basta duna lamay mapakitang ticket alang sa winning number.
Wala namatud pa nila nalantaw ang imaheng mahatag sa maong isyu kanila tungod kay ang ilang gilantaw mao man lang ang ginansyang makuha sa ahensya gikan sa gitapalan nilang mga daug.
Gipasabot pa niini nga wala na sila’y hold kung kinsa ang ipa-claim sa winning bettor sa nadag-an niining premyo.
Madumdumang gihimo ang imbestigasyon dihang nakwestyon ang integridad sa mga lotto games tungod sa minor glitch sa ilang alas-dos sa hapon na pagbola nitong Pebrero a-27 alang sa ilang Swertres Lotto game.
