BUTUAN CITY – Kinahanglan nang magpagawas og pamahayag o diseyson ang korte suprema mahitungod sa hurisdiksiyon sa International Criminal Court dinhe sa Pilipinas aron walay mahitabon krises sa konstitusyon.
Sigon ni Atty.Emmanuel Escatron, Kanhe Executive judge sa Hall of Justice ning siyudad sa Butuan, nga daghang mga legal nga isyu ang naglambigit sa internasyunal nga korte ilabina kay mi-withdraw naman ang Pilipinas apan hangtud karun sige gihapon og claim ang ICC nga duna silay hurisdiksiyon.
Sumala pa niini nga dapat na kining solbaron sa judiciary ilabina kay duna nay nahitabong kagubot nga maoy magsilbing factual issue.
Lakip sa kinahanglang sutaon kung balido ba ang maong warrant of arrest.
Apan sa nakita niini, duna gayuy sayop sa implementasyon sa teknikalidad.
Sama nalang sa pagbitbit sa warrant of arrest sa usa ka yanung tawo og dili ang director sa NBI. Og kung duna may warrant of arrest ang NBI nganung wala man siya nagpahibalo sa Department of Justice nga maoy head kaniya og ang DOJ nganung wala man nagpahibalo ngadto sa DILG.
Gipasabot usab niini nga ang warrant of arrest sa ICC daghan kini og proseso sama sa pagdangop sa interpol nga maoy makig-coordinate sa otoridad sa Pilipinas.
Gitumbok usab sa judge si Pangulong Ferdinand Marcos jr nga maoy mabasol sa kagubot sa karun tungod sa kawalay koordinasyon.
Sumala ni Escatron nga mabasol niini ang head of state og executive secretary dayung pahayag sa katingala kung nganung hilom ra kaayu sila sa karun. Apan gitumbok niini ang pulitika nga maoy nakitang hinungdan nganung gidali-dali nila ang pagdakop sa senador.
