BUTUAN CITY – Gimandu ni Pangulong Ferdinand Marcos Jr. ang preemptive evacuation sa mga residenteng anaa sa high-risk areas isip pagpangandam sa Super Typhoon Bavi, nga kasamtangang anaa pa sa gawas sa Philippine Area of Responsibility (PAR).
Sigon ni Palace Press Officer USec. Claire Castro, gitahasan sa Pangulo ang mga awtoridad nga seguruhong luwas ang mga evacuation center, magbutang og livestock evacuation zones ug tumbukon ang mga alternatibong ruta.
Dungan niini, ang pagpatuman sa sea travel bans, pag-inspeksyon sa mga kritikal nga imprastruktura, paghatag og sayung tabang sa mga bulnerableng sektor ug pagbantay batuk sa mga sakit nga hatud sa baha.
Gawas niini, gimanduan usab sa pangulo ang pagpahigayon sa pre-disaster risk assessment scenario meetings, pag-standby sa NDRRMC ug mga regional counterpart niini, pag-isyu og mga alert warning, ug paglusad sa halapad nga information campaign.
Lakip usab sa mga direktiba ang pag-pre-position sa mga rescue team, relief goods, ug mahinungdanong suplay.
Gitumbok ni Castro nga kini usa ka “whole-of-government approach”diin ang tanang nalambigit nga ahensiya obligadong molihon og paspas og koordinado.
