BUTUAN CITY- Naka-abot na sa Pasay City niadtong Biyernes, Septiyembre 11, ang mga lawas sa duha ka Pilipinong tripulante sa M/V SIDR nga namatay human maigo sa projectile ang Saudi Arabia-flagged oil-product tanker nga ilang gisakyan sa Strait of Hormuz niadtong Agosto 31, 2026.
Sumala sa Department of Migrant Workers (DMW), giubanan nila ang mga pamilya sa mga biktima, uban sa Overseas Workers Welfare Administration (OWWA), sa pagdawat sa mga lawas ug gipasaligan ang mga pamilya sa padayong tabang ug suporta.
Lakip sa mingsugat mao sila si DMW Officer-in-Charge Undersecretary Bernard Olalia, OWWA Administrator Patricia Yvonne Caunan, mga representante sa House Committee on Overseas Workers Affairs ug ang lokal nga manning agency.
Gipahibalo usab sa DMW ug OWWA nga ilang ipadayon ang psychosocial counseling, pinansyal nga tabang, scholarship ug livelihood assistance alang sa mga kwalipikadong benepisyaryo, samtang ilang tabangan ang mga pamilya sa paspas nga pagproseso sa mga benepisyo ug serbisyo nga ilang madawat.
Sigon sa mga opisyal, buhaton sa gobyerno ang kutob sa mahimo aron masuportahan ang mga pamilyang gibiyaan sa duha ka namatay nga overseas Filipino workers.
