BUTUAN CITY – Gila-uman na ni Ukrainian President Volodymyr Zelensky nga magpadayon pa ang gubat tali nila sa Russia hangtod sa panahon sa tingtugnaw, human sa iyang pakighinabi sa mga suod nga envoy ni United States President Donald Trump sa Kyiv nga sila Steve Witkoff ug Jared Kushner.
Natapos ang maong panaghisgot nga wala’y gipahibalo nga dakong kalampusan o breakthrough.
Kini ang ilang unang pagbisita sa Ukraine sukad sa pagsugod sa full-scale invasion sa Russia kansa gihimo sunod sa unang pakigpulong nila kang Russian President Vladimir Putin sa Moscow.
Sigon ni Witkoff, nadani siya sa iyang gihulagway nga mahinungdanon ug lawom nga panaghisgot sa Kyiv samtang gipadayag usab ni Zelensky nga gusto niya ang usa ka makatarunganon ug malungtarong kalinaw, diin walay kahigayonan nga makasugod pag-usab og agresyon ang Russia batok sa Ukraine.
