BUTUAN CITY- Padayong nagkagrabe ang kaylap nga wildfire sa Indonesia, ilabina sa rehiyon sa Kalimantan, kansa gilauman nga makapagawas pa og dakong kantidad sa carbon emissions nga mahimong mosubay sa lebel sa usa ka pinakagrabeng sunog nga nasinati sa nasod niining siglo.
Base sa pinakabag-ong datos sa Global Fire Emissions Database, miabot na sa 76 milyon ka toneladang carbon ang gipagawas sa mga sunog sa Indonesia karong 2026.
Sigon sa mga eksperto, ang sitwasyon karon nagpakita og susamang dagan sa dakong wildfire niadtong 2015, diin kapin 2.6 milyon ka ektarya ang nasunog ug nakapagawas og mokabat sa 333 milyon ka toneladang carbon emissions.
Sa pakighinabi sa Star FM Bacolod, sumala sa magtiayong Farhaniza ug Ammar, nga nagpuyo sa Indonesia, kini ang unang higayon nga nakasinati sila og ingon kadako ug kaylap nga sunog sa Kalimantan.
Samtang padayong naningkamot ang mga awtoridad sa pagpugong sa kalayo, nagpadayon usab ang pasidaan sa mga eksperto bahin sa posibleng dakong epekto niini sa panglawas sa katawhan ug klima sa rehiyon.
