BUTUAN CITY – Gidakop sa kapulisan sa Mississippi, Estados Unidos ang usa ka lalaki may kalabotan sa kamatayon sa usa ka itom nga babaye nga nakit-ang gibitay sa kahoy sa Jackson niadtong Agosto.
Gi-ila sa Jackson Police Chief RaShall Brackney ang suspek nga si Jarques Ratliff, 51-anyos, kinsa mag-atubang og kasong murder.
Sigon sa medical examiner, homicide ang hinungdan sa kamatayon sa biktima nga si Tasia Fortune.
Sumala ni Brackney, adunay personal nga kalambigitan tali ni Ratliff ug Fortune, apan wala na niya kini gidetalye pa.
Nagpasidaan usab ang kapolisan nga posibleng adunay dugang pang mga pagdakop, samtang nagpadayon ang imbestigasyon.
Ang maong kaso nakapabalaka sa mga residente sa Jackson, usa ka dakbayan nga kadaghanan sa populasyon mga Black ug adunay kasaysayan sa racial violence ug lynching.
