BUTUAN CITY- Gilusad sa Ukraine ang pinaka-lawom nga pag-atake niini sulod sa Russia human gitarget sa mga long-range drone ang duha ka gas facility sa Arctic nga kapin 3,000 kilometro ang distansya gikan sa border.
Gigamit sa krainian Armed Forces ang mga baratong FP-1 drone aron gub-on ang mga kritikal nga gas processing plant sa Novy Urengoy ug Purovsky.
Gitawag ni Ukrainian President Volodymyr Zelenskyy nga responsable ang maong operasyon kansa nakapukos sa pagpahuyang sa energy infrastructure sa Russia.
Ang nahimong target nga rehiyon nga Yamalo-Nenets mao ang primary sources sa enerhiya sa Russia tungod dinhi makit-an ang dul-an 80 porsyento nga natural gas production sa nasud.
Ang bag-ong katakos sa Ukraine sa pagkab-ot sa lagyo nga mga pasilidad sa lana ug gas gilauman nga maghatag og dakong hulga sa ekonomiya sa Russia.
Samtang, moresulta usab og kalabalaka sa European Union ang pag-atake tungod sa posibleng pagsaka sa presyo ug shortage sa supply sa enerhiya karung nagkaduol na ang tingtugnaw.
